Shqiperia e mocme

Raportin e udhëtimeve të tij në Shqipëri e publikoi në vitin 1927, me mbështetjen e fuqishme të vetë Benito Musolinit, i cili deshi një botim të vlertë, të përshtatshëm për prestigjin që Italia synonte në atë vend (Shqipëria e lashtë, I, Kërkime arkeologjike, Romë-Milano). Nga viti 1928 e deri në vdekjen e tij, Misioni arkeologjik italian në Shqipëri që drejtohej prej Ugolinit e zhvendosi qendrën e veprimtarive hulumtuese nga Foinike në Butrintin fqinj, një koloni e rëndësishme cezaro-augustiane që përmendet edhe në Eneidën virgjiliane dhe që premtonte veçanërisht jo vetëm zbulime të bujshme (ky vend nuk ishte hulumtuar asnjëherë më parë), por edhe bashkëlidhje të vlerta me temat imperiale të propagandës së regjimit të kohës.